HAIDER E KARRAR KA SEHRA | RIZWAN ZAIDI & SAJJAD ZAIDI | حیدرِ کرارؑ کا سہرا

#RIZWANZAIDI #MANQABAT #منقبت

HAIDER E KARRAR KA SEHRA | RIZWAN ZAIDI & SAJJAD ZAIDI | حیدرِ کرارؑ کا سہرا
Manqabat Album 2020
Poet: Noor Ali Noor
Composed by: Rizwan Zaidi
Chorus by: Team Rizwan Zaidi (www.rizwanzaidi.com)
Audio Recorded At: One Ten Studio Karachi
Audio Engineer: Irfan Zaidi, Karachi
Video Shoot by Sharim Naqvi – One Ten Photography
Graphics, Animations & Edit by One Ten Media
Released by: One Ten Production & AlSahlah Travels

Youtube | https://youtu.be/Nwmf9FoW5wg
www.rizwanzaidi.com
email: rizwan@rizwanzaidi.com

حیدرِ کرارؑ کا سہرا
یہ سہرا ہے سرداروں کے سردار کا سہرا
ہے قدرتِ اللہ کے اظہار کا سہرا
یہ سہرا ہے شہکار، ہے شہکار کا سہرا
یعنی کہ ہے یہ حیدرِ کرارؑ کا سہرا
اِس سہرے کے بارے میں یہ کہنا ہی بجا ہے
یہ سہرا تو اللہ کے چہرے پہ سجا ہے
حیدرؑ کی تجلی سے ہے سرشار یہ سہرا
آتا ہے نظر مطلعِ انوار یہ سہرا
حیدرؑ کی خوشی کا بھی ہے اظہار یہ سہرا
دنیا کے سبھی سہروں کا سردار یہ سہرا
ہر پھول کو توحید کے گلشن سے چُنا ہے
اِس سہرے کو اللہ کے ہاتھوں نے بُنا ہے
اِس سہرے کی لڑیوں میں جڑیں رب نے رضائیں
پوشیدہ ہیں اِس سہرے میں وحدت کی ادائیں
لیِں آ کے ملائک نے بھی سہرے کی بلائیں
اب اِس سے سِوا کیا کوئی احوال سنائیں
خوش ہو کے رسولِ عربیؐ جھوم رہے ہیں
سہرے کو سَوا لاکھ نبیؐ چوم رہے ہیں

ہے حق سے وہ آگاہ جو ہے سہرے کے پیچھے
شاہوں کا شہنشاہ جو ہے سہرے کے پیچھے
جاہوں میں ہے ذی جاہ جو ہے سہرے کے پیچھے
ہے چہرہِ اللہ جو ہے سہرے کے پیچھے
اللہ کے انوار کا دریا ہے یہ سہرا
لگتا ہے کہ قوسین کا پردہ ہے یہ سہرا
ہر سہرے کی یوں جلوہ نمائی نہیں ہوتی
ہر ایک لڑی رب کی سجائی نہیں ہوتی
ایسی کسی سہرے کی بڑائی نہیں ہوتی
اِس سہرے کی لڑیوں میں لڑائی نہیں ہوتی
تطہیر کی پاکیزہ کلی اِس میں جڑی ہے
اِس میں جو لڑی ہے وہ امامت کی لڑی ہے
سہرے کی لڑی میں ہے سفر نور کا جاری
تطہیر نے شان اور بھی سہرے کی سنواری
نازل ہوا سب پر کرمِ خالقِ باری
سہرے کی نظر آپ محمدؐ نے اتاری
یہ سہرا جو ہاتھوں سے سنوارا ہے نبیؐ نے
اِک قرض ابوطالبؑ کا اتارا ہے نبیؐ نے
سہرا ہے یہ اللہ کی پہچان کا سہرا
یہ سہرا تو ہے بولتے قرآن کا سہرا
یہ ہے پسرِ حضرتِ عمرانؑ کا سہرا
جس شان کا دولہا ہے اُسی شان کا سہرا
سہرے کی چمک میں جو یہ کرنوں کا چلن ہے
کچھ سینوں میں اب تک اِسی سہرے کی جلن ہے